Þetta er allt djók.

Reva bíllinn, sem er skásti rafbíll sem fæst á viðráðanlegu verði er spaug.  Eitthvað til að benda á og hlæja.

Sem er niðurdrepandi.  Það stendur víst til að endurbæta batteríin eitthvað, og þá á þetta blessaða apparat að komast 150 km, eins og... ja, Kia jeppi með lekan bensíntank.

Tesla bíllinn er strax miklu betri.  Fyrir einungis 13 millur í USA, eitthvað í líkingu  við 20-26 hingað kominn, þá er það strax miklu betri bíll.  Kemst til dæmis langleiðina til Akureyrar á hleðzlunni.  Það gera farsímabatteríin, sko.

Hinir bílarnir eru líka sorglegir.  Svo litlir.  Toyota Prius má eiga það að hafa smá innra rými, jafnvel mera en allar hinar Toyoturnar - sennilega eina raunhæfa ástæðan til að fjárfesta í slíkum bíl.

Allt hitt var bara ekkert ný tækni.  Reyndar er ekkert af þessu ný tækni - nema þetta efnarafaladót.  Það er mjög exótískt.

En ég ætla ekki að benda á vankantana lengur án þess að nefna eitthvað betra: 

http://www.phoenixmotorcars.com/index.php

Það eru vissir áhugaverðir vankantar á þessum bíl, þeir heita Ssang Young & lýsa sér í forneskjulegri byggingu - þetta er byggt á grind eins og tíðkaðist árið 1930.  Sem þýðir að þetta farartæki er 2.5 tonn.

En hey, það dregur 130 kílómetra.  Með tækni sem er til.  Betra, segi ég.  Og töluvert ódýrara en Tesla sportbíllinn. 

Reynsluakstur á visthæfum bílum á Miðbakka

Athugasemdir

[Bragi Þór Valsson (IP-tala skráð) 24.4.2008 kl. 23:48]

Sæll.

Nú er ég augljóslega hlutdrægur, en vil samt benda á að þetta er allt afstætt.  T.d. bendi ég sjálfur miklu frekar á Hummer og Range Rover "bíla" og hlæ að þeim. Dauðvorkenni fólki sem finnst það þurfa að keyra svona skrímsli innanbæjar.  En ég hef bara mína skoðun og þú átt að sjálfsögðu rétt á þinni (-:

[Ásgrímur Hartmannsson, 25.4.2008 kl. 01:27]

Þú skilur ekki hvað ég meina:

Rafbíls-hugmyndin er góð, vandinne r bara að þessi Reva bíll... sko, Detroit Electric, bíll sem hætt var að framleiða 193X, fyrir WW2, komst lengra á hleðzlunni og var stærri en þessi Reva bíll.

Nú, AD 2008 er til miklu betri tækni en 1930, svo Rafbíll á að geta verið stærri, öflugri og á allan hátt... ja, ekki til  skammar.  Eins og Tesla bíllinn, eða að minna leiti Phoenix/Ssang Young apparatið sem ég gaf upp link til.

En hvað fáum við?  Reva!  Sem er á stærð við fingurbjörg og kostar á við almennilegan bíl!  Og nær 90 km á hleðslunni... kannski.  Þessi bíll er hluti af samsæri gegn rafbílum! 

Þetta er rugl, þarna á höfninni.  Það er hægt að gera miklu betur.

Og hvað meinar þú með Hummer?  Ekki draga þá vitleysu inn í ... ja... neitt.  Það apparat á hvergi heima nema á einhverjum vígvöllum þar sem eru jarðsprengjur.