Við getum sparað okkur þetta

Fæst okkar vita hvaða fólk þetta er, eða hefur hugmynd um hvað það hefur sér til frægðar unnið.

Viljiði málverk?

1: gefið krökkunum ykkar liti og pappír (eða hvað sem þau mega krota á) og voila! Instant list.

2: Ef krakkarnir eru ekki listrænir, þá má kaupa málverk hér og þar.  Það er fullt af fólki sem gerir það sem hobbý.  Bjóðið þeim 30-50K eða hvað sem þið getið pungað út, og labbið burt með verk sem skattgreiðandinn hefur ekki þegar verið rukkaður fyrir.

3: Góði hriðirinn á mikið úrval eftir þekkta málara eins og Molander.

Viljiði bók?

Rafbækur munu vera framtíðin.  Hvaða bjáni sem er getur gefið út á kindle.

Sem sést best ef maður skoðar úrvalið, sem er frábært á alla hugsanlega vegu:

Þetta er til.

Og þetta.

Þessi er klassík.

Og svo færðu sko örugglega listamannalaun ef þú verður uppvís af því að skrifa þetta.

Örugglega allt brilljant.  Takið endilega þátt.

Úthlutun listamannalauna 2019

Þar á það heima

Braggamálið.

Annars er tvennt þar, í braggamálinu þ.e.a.s sem vekur mig til hugsunar.  Um óskilda hluti, en tengda.

1: þessi gaur sem ég man ekki hvað heitir, en rukkaði borgina um 100.000 kall fyrir að hanna letur.  Fyrir utan að vera eitt það tilgangslausasta sem ég hef heyrt lengi, þá velti ég mér strax fyrir því hvort sá gaur sá ekki eftir því, þegar hann komst að öllu svínaríinu í kringum braggann, að hafa ekki rukkað nema 100K?

Ég meina, hann hefði geta rukkað þá um 1.000.000, og þeir hefðu borgað.  Engin spurning.

Tapað tækifæri.

2: 42 milljón króna kamarinn.

Nei; það heitir víst "náðhús," við hin sem skiljum ekki hve rómantísk endalok meltingar eru köllum það kamar.  Og kamar sem kostar 42 milljónir hlýtur að vera of merkilegur til að vera kallaður kamar, eða dolla, eða bara salerni.  Náðhús skal það kallast.  Það var sérstaklega minnst á að það væri svo gott útsýni af kamrinum.  Eða úr náðhúsinu.

Vinnufélagi minn fór og skoðaði þetta, og sagði að það væri vissulega frábært útsýni af þesusm kamri.  Engar frekari lýsingar fylgdu, en þar sem þetta kostaði 42 milljónir, þá kemst ímyndunaraflið á flug.

Hverskonar kamar fær maður á 42 milljónir?

Já...

Ég sé fyrir mér að þegar þú kemur inn, þá spilast tónlist.  Mozart.  Mozart er eina vitið á kamrinum.  Ekki ganga örna þinna í takt við neitt annað.  Sérstaklega ekki fyrir 42 milljónir.

Klósettið sjálft er sko de-lúx.  Ef þú opnar það, þá sé ég fyrir mér ofaní því gullslegna mynd af Degi B sjálfum, brosandi upp til okkar þar sem við skimum niður og gefandi okkur þumalinn upp.  Og við veitum honum þannig alltaf táknrænt gullregn.  Því annað er ekki hægt á 42 milljón króna kamri.  Með frábæru útsýni.

Þetta er svona Feng Shui eitthvað.

Nú, ef menn þurfa að létta af sér þéttari úrgangi, þá held ég, er alveg viss um að setið sé þannig að menn geti á meðan notið þessa goðsagnakennda útsýnis út í bakgarðinn, eða yfir á Háskólann eða hvert sem þetta útsýni eiginlega er.  Þarf að kynna mér það við tækifæri.

Í 42 milljón króna salerni hlýtur að vera takki, þar sem menn geta ýtt á til að hóa í hóp erótískar dansara sem geta sprellað eitthvað fyrir utan gluggann, ef menn eru orðnir leiðir á útsýninu.  Kannski búnir að koma þarna oft, vegna vinnu eða alkóhólisma.  Þetta er jú hluti af bar.

Þegar menn setjast á settið, þá er ég viss um að þá blásist upp rósa-ilmur, sem mun yfirgnæfa hvaða stybbu sem menn gætu hugsanlega gefið frá sér aðra.  Og það hlýtur að vera nudd í setunni líka.

Svo, þegar menn hafa létt á sér, þá þurfa menn ekki að hafa við það nein handtök, heldur fer af stað gervihnattastýrður skeinari, stýrt af manni sem hefur verið að fylgjast með allan tímann frá Thælandi.  Sérfræðingur á sínu sviði, sérstaklega þjálfaður af þar til gerðum munkum í dimmum skógum Burma.

Geri ég fastlega ráð fyrir að hver ferð á kamarinn geti kostað borgina allt að 50.000 krónum.  Veit ekki hvort háskólinn verður rukkaður fyrir það.  Það mun sennilega koma fram við yfirheyrzlur.

Annars, gott mál allt saman.

Vilja senda braggamál til saksóknara

Ég er enn að bíða eftir kærum

Innri endurskoðun sýnir framá refsiverða háttsemi.  Þið vitið, lögreglumál.  Eftir hverju er verið að bíða?

„Las ranglega í stöðuna“

Þetta hefur verið ógæfumaður

Hlýtur að vera.

Seinheppinn þjófur gripinn glóðvolgur

Er pólitík í pólitíkinni?

Nei nú dámar mér.

"Dóra Björt Guðjóns­dótt­ir, for­seti borg­ar­stjórn­ar og odd­viti Pírata, seg­ir kröfu Hild­ar Björns­dótt­ur, borg­ar­full­trúa Sjálf­stæðis­flokks­ins, um að Dag­ur B. Eggerts­son borg­ar­stjóri víki sæti úr þriggja manna hópi sem á að rýna í niður­stöður innri end­ur­skoðunar Reykja­vík­ur­borg­ar um bragga­málið svo­nefnda lykta af póli­tískri spila­mennsku og neit­ar að taka þátt í leik­riti Sjálf­stæðis­flokks­ins."

En það er alveg rétt hjá Hildi að fara fram á þetta.  Á allan hátt.

"Henni finnst und­ar­legt að Sjálf­stæðis­flokk­ur­inn hafi ein­róma samþykkt skip­an hóps­ins á fundi borg­ar­ráðs"

eða:

"Hild­ur hef­ur áður sagt að minni­hlut­inn hafi gert at­huga­semd­ir við skip­an hóps­ins strax í upp­hafi og Vig­dís Hauks­dótt­ir, borg­ar­full­trúi Miðflokks­ins, hef­ur einnig talað á sömu nót­um"

Hvorum skal trúa?  Ja, ef við metum vitnin, þá er borgarstjórnarmeirihlutinn núna þekktur af ýmsum glæpum, lygum og yfirhylmingu, en Hildur og Vigdís ekki.

Svo ég held ég trúi frekar Hildi og Vigdísi.

Lykti af pólitískri spilamennsku

Sniðugir menn þarna

Þetta verður betri hugmynd eftir því sem lengra líður á öldina, vegna þess til dæmis hve langt er til Keflavíkur.

Svo mætti færa miðstöð innanlandsflugs á þennan völl, fyrst RKV vill ekki hafa neitt slíkt hjá sér.  Það er líka erfitt að komast að þeim velli - það er vel hægt að plana það allt fyrirfram þarna í Árborginni.

Svona völlur mun líka draga að sér allskyns annað - til dæmis er alltaf sniðugt að hafa spítala nálægt flugvelli.

Þegar þeir eru komnir með spítalann, þá þarf meira í kringum allt fólkið sem þar mun vinna.

Næst geta þeir lokkað til sín háskólann.

Svo er spurning hvort það væri ekki sniðugt að færa höfuðborgina til Árborgar.  Selfoss kemur þar sterklega til greina.

Svo er náttúrlega bara sniðugt að búa til uppskipunarhöfn á Þorlákshöfn.  Ætti að vera auðvelt.  Miklu betri aðgangur að flugi þar þá en í RKV.  Og styttra og hentugra á allan hátt.

Bara svona svo maður hugsi málið lengra.

Þá getur RKV bara haldið áfram að breytast í gettó.

Fundað um alþjóðaflugvöll í Árborg

Á meðan, í USA:

https://www.breitbart.com/economy/2019/01/04/the-u-s-economy-added-312000-jobs-in-december/

DD vill ekki hækka verðið til að eiga fyrir kostnaði, og taka þannig þátt í verðbólgu.  Ríkið eykur á verðbólguna, gerir fyrirtækjum erfitt fyrir að halda fólki í vinnu, og reynir að skapa atvinnuleysi.  Hyggst svo halda laununu lágum með innflutningi vinnuafls frá láglaunasvæðum.

Á meðan hækka launun í USA, auðveldara er að athafna sig þar með hverskyns rekstur og atvinnuleysi minnkar.

Hvers vegna tökum við ekki USA okkur til fyrirmyndar? Vegna þess að gaurinn sem rekur það batterí er appelsínugulur? 

Dunkin' Donuts á Íslandi lokað

Ef fyrsta skattþrep yrði 60%...

Þá yrðu lágmarkslaun að hækka í samræmi við það.

Nú eru þau 300.000, og skatturinn er 37% - útborgað: 189.000

Ef skatturnn færi uppí 60%, þá yrðu launin að hækka í 472.000, bara til að halda í við.

En þar sem það er jú verðbólga, og hún há, og hún hefur staðið yfir lengi, og laun hafa ekki haldið í við hana, þá er réttast að krafan vrði 40% ofaná það, eða 661.000 á mánuði, lágmark.

Þið viðtið, í samræmi við hækkun ákveðinna opinberra starfsmanna.

660.000 í lágmarkslaun myndi bæði dekka 60% skatt og verðbólgu allavega næsta árið.

Nema ríkið sjái sér fært að gera eitthvað af viti, eins og að koma til móts við launafólk með því að lækka tekjuskattinn, eða fella niður eitthvað af þeim sköttum sem fyri eru.  T.d kolefnisgjaldið.

Á móti gæti ríkið til dæmis bara lokað einhverjum af hinum fjölmörgu stofnunum sem það rekur.  Af nógu er að taka.  Það þarf enginn að segja mér að meira en 1/4 vinnandi manna eigi að vera ríkisstafsmenn.

Fyrsta skattþrep yrði 60,54%

Takk fyrir það

Hann Björn hefur lagt mikið í þetta.

Hann fær hrós dagsins.  Hvað getur maður annað en tekið ofan fyrir honum?

218 andmæla veggjöldum og fer fjölgandi

Bjartir

Nei, það mun taka lengri tíma.

Það er vel hugsanlegt að þeir missi eitt land í viðbót, en ég held varla að þetta liðist í sundir fyrr en eftir svona 5 ár.  Minnst.

Eftir næstu kosningar hjá þeim.  Þær koma í knyppum.

Gæti liðast í sundur á þessu ári